Президент Моңғолия басшысы Ухнаагийн Хурэлсухпен кездесті
Опубликовано:
Қасым-Жомарт Тоқаев БҰҰ Бас Ассамблеясының 78-сессиясының аясында Моңғолия Президенті Ухнаагийн Хурэлсухпен келіссөз жүргізді, деп хабарлайды Ақорда ресми сайтында.
Мемлекет басшысы Қазақстан мен Моңғолия арасындағы тығыз әрі дәстүрлі достық қарым-қатынасты атап өтті.
Сондай-ақ екіжақты байланыстарды стратегиялық серіктестік деңгейіне дейін кеңейту мүмкіндігіне назар аударды.
Сонымен қатар Қасым-Жомарт Тоқаев сауда-экономикалық ықпалдастыққа тың серпін беру үшін Үкіметаралық комиссияның жұмысын жандандырып, Қазақстан мен Моңғолияның Іскерлік кеңесін құру қажет екенін айтты.
Кездесу соңында президенттер жақын арада бір-бірінің еліне сапармен бару мүмкіндігін талқылады.
Мақаланың түпнұсқасы: https://kaz.nur.kz/politics/2037315-memleket-bassysy-mongoliya-prezidenti-uxnaagiin-xurelsuxpen-kezdesti/
