Top.Mail.Ru

Сайт нұсқасы

ru kz

Зектілері

Мемлекет басшысы Кения Республикасының президенті Уильям Рутомен кездесті

Опубликовано:

Қасым-Жомарт Тоқаев пен Уильям Рутор
Қасым-Жомарт Тоқаев пен Уильям Рутор. Фото: aqorda.kz

Кения Республикасының президенті Уильям Рутомен келіссөз жүргізді. Кездесу барысында Кениямен сауда-экономикалық қатынастарды кеңейту мәселелері талқыланды, деп хабарлайды Ақорда ресми сайтында.

Президент Кенияны Африка құрлығындағы қарқынды дамып келе жатқан елдердің бірі ретінде атап өтіп, өзара ынтымақтастықты дамытуға ерекше қызығушылық туғызатын мемлекет екенін жеткізді.

"Мен Кенияның даму барысын, экономикалық және сыртқы саясатын қадағалап отырамын. Сондай-ақ Қазақстан мен Кения арасындағы ынтымақтастықты жаңа деңгейге көтеру үшін бірлесе әрекет етуге дайынмын", – деді Қасым-Жомарт Тоқаев.

Өз кезегінде Уильям Руто қазақстандық компанияларды Кения экономикасына белсенді түрде инвестиция құюға, соның ішінде астық терминалын салу арқылы Момбаса портын кеңейту мүмкіндігін қарастыруға шақырды.

Қасым-Жомарт Тоқаев пен Уильям Рутор
Қасым-Жомарт Тоқаев пен Уильям Рутор. Фото: akorda.kz

Мемлекет басшысы өзара ынтымақтастықты нығайтудың мүмкіндіктерін зерттеу үшін Кенияға сауда миссиясын жіберуге ниетті екенін айтты.

Сонымен қатар Тоқаев Африка мемлекеттерімен екіжақты деңгейде және көпжақты бірлестіктер аясында, ең алдымен БҰҰ шеңберінде өзара байланысты дамытудың маңыздылығын атап өтті.

Мемлекет басшысы Уильям Рутоны келесі жылы Қазақстанға сапармен келуге және Астана халықаралық форумына қатысуға шақырды.

Мақаланың түпнұсқасы: https://kaz.nur.kz/politics/2037317-memleket-bassysy-keniya-respublikasynyn-prezidenti-uilyam-rutomen-kezdesti/