Атырау облысында Төтенше жағдайлар департаментіне жаңа басшы келді

Атырау облысы Төтенше жағдайлар департаментінің басшысы болып Нұрлан Жаңабаев тағайындалды, деп хабарлайды ведомство ресми сайтында.

Төтенше жағдайлар министрі генерал-майор Сырым Шәріпханов ұжымға Төтенше жағдайлар департаментіне жаңа тағайындалған полковник Нұрлан Жаңабаевты таныстырды.

Нұрлан Мақсұтұлы Жаңабаев 1984 жылы 11 желтоқсанда Гурьев (қазіргі – Атырау) облысының Махамбет ауданында дүниеге келген.

2006 жылы Төтенше жағдайлар министрлігінің Көкшетау техникалық институтын "Өрт қауіпсіздігі" мамандығы бойынша бітірген. Азаматтық қорғау органындағы еңбек жолын 2006 жылы инженер лауазымынан бастаған.

Министр ТЖД-ның тағайындалған бастығына қауіпсіздік мәдениетін және халықтың құтқару ведомствосына деген сенім деңгейін арттыру үшін ұйымдастырушылық және практикалық шараларды орындау қажеттігін атап өтіп, бірқатар тапсырмалар берді.