"Халық өзі шешеді": СІМ Максим Галкиннің концерті төңірегіндегі шуға пікір білдірді

Сыртқы істер министрлігінің ресми өкілі Айбек Смадияров елімізде концерті өтпей қалған ресейлік әзілкеш Максим Галкинге қатысты дауға пікір білдірді, деп хабарлайды KAZ.NUR.KZ.

Ведомствода өткен брифингте БАҚ өкілдері Сыртқы істер министрлігінің ресми өкілі Айбек Смадияровқа Ресей тарапы Қазақстанда Максим Галкиннің концертін өткізбеу жөнінде хат жолдаған деген ақпаратқа түсінік беруді сұраған еді. 

"Мен ондай хат жайында алғаш рет естіп отырмын. Тіпті ондай хат болған күннің өзінде концерт ұйымдастыру мәдениет ұйымдарымыздың құзіретіне кіреді. Халық кімді тыңдайтынын, кімді тыңдамайтынын өзі шешеді. Мен өнер, жалпы мәдениет саясаттан тыс болуы тиіс деп есептеймін", — деді Айбек Смадияров.

Мәтіннен қате тапсаңыз, бізге жазыңыз