Ұлан Байжанов Бас прокурордың орынбасары лауазымынан босатылды

Ұлан Байжанов Бас прокурордың орынбасары лауазымынан босатылды, деп хабарлайды Ақорда Telegram-дағы ресми арнасында.

"Мемлекет басшысының өкімімен Ұлан Сапарұлы Байжанов Қазақстан Республикасы Бас Прокурорының орынбасары лауазымынан босатылды", - делінген хабарламада.

Бас прокуратура жанындағы Құқық қорғау органдары академиясының ресми сайтындағы мәліметінше, Ұлан Байжанов 1958 жылы 9-тамызда Алматы қаласында туған. С.М. Киров атындағы Қазақ мемлекеттік университетін заңгер мамандығы бойынша бітірген.

Еңбек жолын 1980 жылы "Қазгуград" КП аға заң кеңесшісі болып бастаған.

1983-1987 жылдары "Қазкғзи" РҰ бөлімінің бастығы,

1987-1991 жылдары Алматы қалалық атқару комитетінің нұсқаушысы, заң бөлімі меңгерушісінің орынбасары, әкімшілік органдар бөлімінің меңгерушісі, мемлекеттік-құқық бөлімінің меңгерушісі;

1991-1995 жылдары Алматы қаласы Әділет басқармасының бастығы, Қазақстан Республикасы Әділет министрлігінің алқа мүшесі;

1995-1997 жылдары "Алматы – Зан" құқықтық орталығының бас директоры;

1997-1999 жылдары "Қазақтелеком" ААҚ Вице-президенті;

1999-2002 жылдары Қазақстан Республикасы Мемлекеттік кіріс министрлігінің Вице-министрі;

2003 жылдың қаңтары мен наурызы аралығында "ҚазМұнайГаз "ҰК" ЖАҚ құқықтық қамтамасыз ету жөніндегі Атқарушы директоры;

2003 жылдың наурызы мен шілде аралығында "ҚазМұнайТеңіз "теңіз мұнай компаниясы" ЖАҚ бас директорының орынбасары;

2003-2005 жылдары "Нефтеконсалтинг" ЖАҚ президенті;

2005-2008 жылдары "ҚазМұнайГаз" ҰК АҚ президенті аппаратының басшысы, "ҚазМұнайГаз "ҰК"АҚ бизнесті қолдау және құқықтық қамтамасыз ету жөніндегі вице-президенті;

2009-2011 жылдары "Самұрық-Қазына" ұлттық әл-ауқат қоры" АҚ Басқарушы директоры;

2011-2015 жылдары Бас прокуроры аппаратының басшысы, Бас прокуратураның Еуропа елдеріндегі және халықаралық ұйымдардағы Арнайы өкілі;

2015-2017 жылдары Қазақстан Республикасы Бас прокуратурасы жанындағы Құқық қорғау органдары Академиясының ректоры;

2017-2018 жылдары "Казкоммерцбанк" АҚ Басқарма төрағасының орынбасары;

2021-02.2022 жылдары "Зерде" ұлттық инфокоммуникациялық холдингі" АҚ тәуелсіз директоры;

2022 жылдың ақпан айынан бастап бүгінгі күнге дейін Бас прокурордың орынбасары болып қызмет атқарған.

Мәтіннен қате тапсаңыз, бізге жазыңыз