Top.Mail.Ru

Сайт нұсқасы

ru kz

Зектілері

"Әлі де көптеген чемпион шығады деп сенемін": Тоқаев Нағи Ілиясов ауылындағы спорт кешенін аралады (фото, видео)

Опубликовано:

Қасым-Жомарт Тоқаевтың Қызылода облысына ресми сапары
Қасым-Жомарт Тоқаевтың Қызылода облысына ресми сапары. Фото: t.me/aqorda_resmi

Мемлекет басшысы Қасым-Жомарт Тоқаевтың Қызылорда облысына сапары Сырдария ауданы Нағи Ілиясов ауылының тыныс-тіршілігімен танысудан басталды, деп хабарлайды Ақорда Telegram-дағы ресми арнасында.

Қазақстанның Еңбек Ері, "Абзал және К" толық серіктестігінің негізін қалаушы Абзал Ералиев президентке кәсіпорынның табысты қызмет етіп, өңір бойынша ауыл шаруашылығы саласындағы жетекші мекемеге айналғанын жеткізді. Сонымен қатар өнімді еңбектің арқасында туған өлкенің дамуына тұрақты қолдау көрсетіп келе жатқанын айтты.

Президент "Абзал және К" шаруашылығының демеушілігімен салынған ауылдың орталық алаңын, спорт кешенін аралап көрді. Спорт кешенінде жергілікті халық футбол, волейбол, үстел теннисі және күрес түрлерімен емін-еркін шұғылдана алады.

Мемлекет басшысы спорт кешенінде жеткіншектермен әңгімелесті.

"Спортпен шұғылдану керек. Әсіресе, өздеріңіз сияқты жастарымыздың дені сау, мықты азамат болып өсуі қажет. Себебі Қазақстанның болашағы – сіздердің қолдарыңызда. Жастардың дені сау болса, мемлекет те қуатты болады. Сыр елінен мықты спортшылар шыққан. Әлі де көптеген чемпион шығады деп сенемін", – деді Қасым-Жомарт Тоқаев.

Мақаланың түпнұсқасы: https://kaz.nur.kz/politics/2040368-ali-de-koptegen-cempion-sygady-dep-senemin-toqaev-nagi-iliyasov-auylyndagy-sport-kesenin-aralady-foto-video/