Top.Mail.Ru

Сайт нұсқасы

ru kz

Зектілері

"Мемлекетке үлкен зиян келтірді": Антикор бұрынғы Әділет министрін ұстады

Опубликовано:

Қолына кісен салынған адам
Қолына кісен салынған адам. Көрнекі фото: NUR.KZ/Владимир Третьяков

Лауазымдық қызметін асыра пайдаланды деген күдікпен бұрынғы Әділет министрі ұсталды. Бұл туралы Антикор Telegram арнасы хабарлады.

"Антикоррупциялық қызмет Мемлекет басшысының заңсыз шығарылған активтерді іздеу және қайтару жөніндегі тапсырмасын орындау шеңберінде Әділет экс-министрін лауазымдық өкілеттіктерін асыра пайдаланды деген күдік бойынша ұстады.

Ол талап етілмейтін қызметтерді көрсетуге жыл сайынғы келісімшарттар жасау арқылы үлестес компанияның мүдделерін қолдады. Бұл әрекет мемлекетке үлкен зиян келтірді.

Активтерді қайтару бойынша жұмыс жалғасуда.

Қылмыстық-процестік кодексінің 201-бабына сәйкес өзге ақпарат жария етуге жатпайды.

Конституцияның 77-бабы 3-тармағының 1-тармақшасына және Қылмыстық-процестік кодексінің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі", - делінген хабарламада.

Мақаланың түпнұсқасы: https://kaz.nur.kz/politics/2041988-memleketke-ulken-ziyan-keltirdi-antikor-buryngy-adilet-ministrin-ustady/