Қанат Дүзелбаев СҚО әкімінің орынбасары болып тағайындалды

Солтүстік Қазақстан облысы әкімінің орынбасары болып Қанат Малғаждарұлы Дүзелбаев тағайындалды, деп хабарлайды облыс әкімдігі ресми сайтында.

СҚО әкімдігі таратқан мәліметке сүйенсек, осы тағайындауға дейін Қанат Дүзелбаев Ақмола облысының экономика және бюджеттік жоспарлау басқармасының басшысы қызметін атқарған.

Қанат Малғаждарұлы 1974 жылы туған, Торғай (қазіргі Ақмола обл) облысының тумасы. Алматының экономика және статистика академиясын бітірген.

Еңбек жолын 1995 жылы Ұлттық банк орталығында экономист болып бастаған. Банк жүйесінде, қазынашылық, экономика және бюджетті жоспарлау саласында тәжірибесі бар.