Тоқаев Назарбаевтың тарихи рөлі туралы айтты

Бүгін президент Қасым-Жомарт Тоқаев Республика күніне арналған салтанатты рәсімге қатысты. Өз сөзінде ол Нұрсұлтан Назарбаевтың тарихи рөліне тоқталды, деп хабарлайды KAZ.NUR.KZ.

Ақорданың Telegram-дағы ресми арнасының хабарлауынша, Қасым-Жомарт Тоқаев салтанатты шараға қатысушылар алдында елге еңбегі сіңген қайраткерлерді атап өтті, сондай-ақ тұңғыш президент Нұрсұлтан Назарбаевтың тарихи рөліне тоқталды.

"Біз қазір Әділетті Қазақстанды құрып жатырмыз. Сондықтан өткен заманның қайраткерлеріне, олардың еңбегіне лайықты, әділетті баға беріп отыруымыз керек.

Азаттық жылнамасында Салық Зиманов, Серікболсын Әбділдин, Қаратай Тұрысов, Зинаида Федотова, Ерік Асанбаев, Әбіш Кекілбаев, Ғайрат Сапарғалиев, Сұлтан Сартаев, Өзбекәлі Жәнібеков, Олжас Сүлейменов, Александр Княгинин, Мырзатай Жолдасбеков, Өмірбек Байгелді, Қуаныш Сұлтанов, Сергей Терещенко және тағы басқа көптеген тұлғаның есімін құрметпен атап өту керек.

Елін сүйген ерлердің отаншылдығы және олардың ұлт мүддесіне адалдығы әрдайым кейінгі ұрпаққа үлгі-өнеге болуға тиіс.

Біз тарихи әділдік жолын берік ұстануымыз керек. Осы орайда тұңғыш президент Нұрсұлтан Әбішұлы Назарбаевтың тарихи рөлін атап өткен жөн. Себебі ол еліміздің Тәуелсіз мемлекет атанып, тұғырын бекемдеуге орасан зор еңбек сіңірді", - деді президент.