Top.Mail.Ru

Сайт нұсқасы

ru kz

Зектілері

Тоқаев "ALACEM" цемент зауытының жұмысымен танысты (фото)

Опубликовано:

Қасым-Жомарт Тоқаев "ALACEM" цемент зауытын аралауда
Қасым-Жомарт Тоқаев "ALACEM" цемент зауытын аралауда. Фото: akorda.kz

Мемлекет басшысы Қасым-Жомарт Тоқаев Жетісу өңіріндегі ірі өндіріс ошақтарының бірі саналатын "ALACEM" цемент зауытын аралап көрді. Бұны Ақорда ресми сайты хабарлады.

Президент баспасөз қызметінің хабарлауынша, 2020 жылы индустрияландыру бағдарламасы аясында іске қосылған Қазақстан-Сингапур бірлескен кәсіпорнында құрғақ әдіспен жылына 1,5 миллион тонна цемент өндіріледі.

"ALACEM" цемент зауыты
"ALACEM" цемент зауыты. Фото: akorda.kz

Жоба құны – 47 миллиард теңге. Зауытта, негізінен, азаматтық және өндірістік нысандар құрылысында кеңінен пайдаланылатын M400, M450, М500 маркалы цемент түрлері шығарылады. Мысалы, Үлкен Алматы өзеніне салынған "Аюсай" бөгетінің құрылысына осы зауыттың өнімі қолданылған.

Қасым-Жомарт Тоқаев "ALACEM" цемент зауытын аралауда
Қасым-Жомарт Тоқаев "ALACEM" цемент зауытын аралауда. Фото: akorda.kz

Кәсіпорынның басқарушы директоры Станислав Щербаковтың айтуынша, зауыт Алматы қаласының, Жетісу және Алматы облыстарының цемент өніміне деген сұранысын 65 пайызға дейін қамтамасыз етеді.

Жобаны жүзеге асыру барысында экологиялық таза, қалдықсыз өндіріс стандарттарына сай келетін озық технологиялар қолданылған. Сондай-ақ өнім процесін басқару үшін DCS интеллектуалды жүйесі енгізілген.

Қасым-Жомарт Тоқаев "ALACEM" цемент зауытын аралауда
Қасым-Жомарт Тоқаев "ALACEM" цемент зауытын аралауда. Фото: akorda.kz

Кәсіпорынның өндіріс және көлік-логистикалық учаскелерінде 600 адам жұмыс істейді. Олардың басым бөлігі – жергілікті тұрғындар. Сонымен қатар өнімді өткізу, дилерлік желілер арқылы қосымша 200-ге жуық жұмыс орны ашылды.

Компания зауытты іске қосқалы бері бизнестің әлеуметтік жауапкершілігі аясында Кербұлақ ауданының дамуына 2,7 миллиард теңге қаржылай қолдау көрсеткен. Бұл қаражат Сарыөзек – Көктал жолын жөндеуге және аудандағы әлеуметтік жобаларға жұмсалды.

Қасым-Жомарт Тоқаев "ALACEM" цемент зауытын аралауда
Қасым-Жомарт Тоқаев "ALACEM" цемент зауытын аралауда. Фото: akorda.kz

Мемлекет басшысы зауыт жұмысшыларымен әңгімелесіп, осындай ірі өндірістің ашылуы құрылыс индустриясын дамыту, әсіресе, жергілікті инфрақұрылымды жетілдіру үшін маңызды екенін атап өтті.

Бұған қоса компания құрылтайшылары елімізде жүзеге асырылып жатқан инвестициялық жобалардың ауқымын кеңейтіп жатыр. Атап айтқанда, 2021 жылы Абай облысының Жарма ауданындағы "Қазақцемент" кәсіпорнын сатып алып, модернизация жасау арқылы 450 жұмыс орнын ашқан.

"ALACEM" цемент зауыты
"ALACEM" цемент зауыты. Фото: akorda.kz

Сондай-ақ таяу жылдары Жамбыл облысы Қордай ауданында тағы бір цемент өндіру зауыты іске қосылмақ. Зауыт өнімі көршілес Қырғызстан мен Өзбекстан мемлекеттеріне экспортталады.

Мақаланың түпнұсқасы: https://kaz.nur.kz/politics/2042686-toqaev-alacem-cement-zauytynyn-zumysymen-tanysty-foto/