Top.Mail.Ru

Сайт нұсқасы

ru kz

Зектілері

Тоқаев Svevind Energy Group компаниясының бас директоры Вольфганг Кроппты қабылдады

Опубликовано:

Қасым-Жомарт Тоқаев пен Вольфганг Кропп
Қасым-Жомарт Тоқаев пен Вольфганг Кропп. Фото: akorda.kz

Мемлекет басшысы Қасым-Жомарт Тоқаев Svevind Energy Group компаниясының бас директоры Вольфганг Кроппты қабылдады, Ақорда ресми сайтында.

Svevind Energy Group компаниясының басшылығымен кездесу барысында Маңғыстау облысында "жасыл" сутегін өндіру жөніндегі жобаны жүзеге асыруға дайындық мәселелері талқыланды.

Вольфганг Кропп Мемлекет басшысына Еуропалық Кеңес президенті Шарль Мишельдің былтыр Қазақстанға жасаған сапары барысында қол қойылған Инвестициялық келісім аясында алдын ала жобалау-іздестіру жұмыстары (Pre-FEED) жүргізіле бастағаны жөнінде мәлімет берді.

"Жоба аясында су тұшыту зауытын, 40 гигаваттық жаңартылатын энергия көздері (жел, күн) станцияларын, сондай-ақ қуаты 20ГВт болатын әрі жылына 2 миллион тонна "жасыл" сутегін немесе 11 миллион тонна "жасыл" аммиак өндіре алатын суды электролиздеу қондырғысын салу және пайдалану көзделіп отыр. Инвестицияның алдын ала болжамды көлемі 50 миллиард евродан асады", - деді Вольфганг Кропп.

Вольфганг Кропп жобалық құжаттама 2026 жылға қарай аяқталатынын айтты. Инфрақұрылым құрылысын 2027 жылы бастап, 2032 жылы пайдалануға беру жоспарланған.

Қасым-Жомарт Тоқаев еліміз үшін Hyrasia One жобасын уақтылы жүзеге асырудың стратегиялық маңызы зор екенін атап өтті.

Мемлекет басшысы аталған бастама Қазақстандағы жаңартылатын энергия көздері саласын дамытуда жетекші жобалардың бірі болатынына әрі еліміздің көміртегі бейтараптығына қол жеткізу мақсатына елеулі үлес қосатынына сенім білдірді.

Мақаланың түпнұсқасы: https://kaz.nur.kz/politics/2044571-toqaev-svevind-energy-group-kompaniyasynyn-bas-direktory-volfgang-kroppty-qabyldady/