Камиль Ақатов ғылым және жоғары білім вице-министрі қызметінен босатылды

Камиль Ерғалиұлы Ақатов басқа жұмысқа ауысуына байланысты ғылым және жоғары білім вице-министрі қызметінен босатылды, деп хабарлады үкімет Telegram-дағы ресми арнасында.

"Қазақстан Республикасы үкіметінің қаулысымен Камиль Ерғалиұлы Ақатов басқа жұмысқа ауысуына байланысты ҚР ғылым және жоғары білім вице-министрі қызметінен босатылды", - делінген хабарламада.

Primeminister.kz ресми сайты мәліметіне сүйенсек, Камиль Ақатов 1991 жылы Жамбыл облысында дүниеге келген. Вуллонгонг университетін (БАӘ), Қазақ технология және бизнес университетін, Astana IT University-ді тәмамдаған.

2015-2016 жылдары - "Қазақстандық МЖӘ орталығы" АҚ Жобалау департаментінің сарапшысы, бас сарапшысы.

2016-2022 жылдары "Зерде" ұлттық инфокоммуникация холдингі" АҚ-да бас менеджер, аға менеджер, басқарма бастығы, департамент директоры болып жұмыс істеген. 

2022 жылдың қаңтарынан бастап қазіргі уақытқа дейін "Qazinnovations" иновацияларды дамыту жөніндегі ұлттық агенттігі" АҚ басқарма төрағасы қызметін атқарды.