Динара Щеглова ғылым және жоғары білім вице-министрі болды

Үкіметі қаулысымен Динара Ринатқызы Щеглова ғылым және жоғары білім вице-министрі қызметіне тағайындалды. Бұл туралы үкімет сайты хабарлайды.

Динара Щеглова 1982 жылы Семей қаласында туған. 

Л.Н. Гумилев атындағы Еуразия ұлттық университетін, Т. Рысқұлов атындағы Қазақ экономикалық университетін, Қазақ экономика, қаржы және халықаралық сауда университетін бітірген.

2004-2006 жылдары Ақпараттандыру және байланыс жөніндегі агенттігі бөлімінде бас маман болған.

Сондай-ақ әр жылдары коммерциялық құрылымдарда еңбек еткен. 

2011-2018 жылдары – "Зерде" ұлттық инфокоммуникациялық холдингі" АҚ-да бас менеджер, департамент директоры, басқарушы директор, төраға кеңесшісі, басқарма төрағасының орынбасары, 2018-2019 жылдары – Ақпарат және коммуникациялар вице-министрі, 2019-2020 жылдары премьер-министрдің кеңесшісі қызметтерін атқарған.

2020 жылдан бастап қазіргі уақытқа дейін индустрия және инфрақұрылымдық даму вице-министрі болған.