Сотталған олигарх Төлешовтің сарайы мемлекетке қалай қайтарылды: әкім жауабы

ОКҚ брифингінде Шымкент қаласының әкімінен қаланың меншігіне оралуға тиіс болған "Фосфорников" мәдениет сарайы туралы сұрақ қойылды, ғимарат бұрын олигарх Төлешовке тиесілі болған, деп жазады KAZ.NUR.KZ тілшісі.

"Фосфорников" мәдениет сарайы Шымкент қаласының меншігіне қайтарылғанын әкім Ғабит Сыздықбеков қараша айында Instagram-да мәлімдеген еді. Бұл ғимарат "Дархан Group" ЖШС-не тиесілі болған - бұл компанияның 99 пайызы сотталған олигарх Тоқтар Төлешовке тиесілі екендігі Шымкент сотында анықталған.

Сот шешімімен оның үлесі мемлекет кірісіне берілді. Шымкент қаласының әкімі брифингте мәдениет сарайы кімнің есебінен қалаға берілгенін сұрады.

"Қазіргі уақытта "Фосфорников" сарайы қала балансына қабылданды, сарайдың өзі және оған іргелес аумақ – саябақ аймағы да қайтарылды. Жеке демеушілердің есебінен сарайдың жобалау жұмыстары басталды, жақында сарайдың өзінде және оған іргелес аумақта – саябақ аймағында ренновациялық жұмыстар басталады. Яғни, сатып алу мәселесі жоқ, ғимарат қала балансына – қала меншігіне берілді", - деді әкім Сыздықбеков.

Еске салайық, 2016 жылы Тоқтар Төлешов 21 жылға бас бостандығынан айырылып, өмір бойы коммерциялық және қоғамдық ұйымдарда басшылық лауазымдарын атқару құқығынан айырылған еді. Ол мемлекеттік төңкеріс жасады, азаптады, кісі өлтірді деп айыпталды – барлығы 18 қылмыс. Кейінірек сот одан жылқыларды, түйелерді, көліктер мен үйлерді тәркілегені белгілі болды.