Top.Mail.Ru

Сайт нұсқасы

ru kz

Зектілері

Үш жылдан кейін Павлодар облысының экс-әкімі Бақауовқа қатысты іс бойынша үкімнің күші жойылды

Опубликовано:

Болат Бақауов
Болат Бақауов. Фото: instagram.com/bbakauov

Үш жыл бұрын Павлодар облысының бұрынғы әкімі Болат Бақауовқа қатысты іс бойынша шығарылған үкім сотта жойылды. Оның мемлекет мүддесіне зиян келтірілмегені анықталды, деп хабарлайды KAZ.NUR.KZ тілшісі Павлодар қаласы №2 сотының баспасөз қызметіне сілтеме жасап.

Сот мәліметінше, 2020 жылы сотталған Павлодар облысының экс-әкімінің ісі жаңа ашылған мән-жайларға байланысты қайта қаралды.

"Экономикалық тергеп-тексеру Департаменті тергеушісінің 2022 жылғы 22 қазандағы қаулысымен сот үкімін шығарғаннан кейін мемлекеттік кірістер департаменті қызметкерлерінің салықты қате қосымша есептеуі бойынша сараптама қорытындысы бойынша қылмыстық құқық бұзушылықтың болмауына байланысты ЖШС-нің салықты төлемеуі туралы іс тоқтатылды.

Тергеушінің істі тоқтатуына байланысты Павлодар облысының мамандандырылған ауданаралық әкімшілік соты 2023 жылғы 10 мамырда заңсыз деп танылып, қосымша салықты есептеу туралы хабарламаның күші жойылды. Осылайша, мемлекет мүддесіне айтарлықтай зиян келтірілмеді", - делінген сот хабарламасында.

Бұл мән-жай сотқа үкім шығару кезінде белгісіз болған. Сондықтан прокурордың үкімді бұзу туралы өтініші қанағаттандырылды. Қаулы әлі заңды күшіне енген жоқ.

Мақаланың түпнұсқасы: https://kaz.nur.kz/politics/2049973-us-zyldan-keiin-pavlodar-oblysynyn-eks-akimi-baqauovqa-qatysty-is-boiynsa-ukimnin-kusi-zoiyldy/