Top.Mail.Ru

Сайт нұсқасы

ru kz

Зектілері

Досаев Тоқаевқа Алматыдағы жолдар мен қоғамдық көліктердің жағдайы туралы баяндады

Опубликовано:

Қасым-Жомарт Тоқаев пен Ерболат Досаев
Қасым-Жомарт Тоқаев пен Ерболат Досаев. Фото: akorda.kz

Алматы қаласының әкімі Ерболат Досаев мемлекет басшысы Қасым-Жомарт Тоқаевқа Алматының биылғы 11 айдағы әлеуметтік-экономикалық дамуының алдын ала қорытындылары жөнінде есеп берді, деп хабарлайды Ақорда ресми сайтында.

Ерболат Досаев Қасым-Жомарт Тоқаевқа аталған кезең ішінде қысқа мерзімді экономикалық индикатор 13 пайызға артқаны туралы баяндады.

Әкімнің сөзінше, мемлекеттік бюджет түсімдері 4,9 триллион теңгеге жетті.

"Өсім көрсеткіші 34,5 пайызды құрады. Қараша айында жылдық инфляция 10,5 пайызға дейін бәсеңдеді. Жалпы, жыл қорытындысы бойынша еліміздегі ең ірі қала экономикасының өсімі 6,5 пайыз деңгейінде болады деген болжам жасалып отыр (2022 ж. – 5,0 пайыз)", - деді Досаев.

Президентке негізгі капиталға құйылған инвестицияның жалпы көлемі 20 пайызға ұлғайғаны жайында ақпарат берілді. Жеке инвестиция 30,3 пайызға артып, 1,4 триллион теңгеге жеткен. Жыл басынан бері қала экономикасына барлығы 1,53 триллион теңге салынды.

Ерболат Досаевтың айтуынша, мемлекет басшысының тапсырмасымен Алматыда қоғамдық көлікті дамыту және экологиялық талаптарға сәйкестендіру үшін кешенді жұмыстар жүргізіліп жатыр. Биыл қаланың автобус паркі экологиялық таза 1150 жаңа автобуспен толықты. Оның 550-ін жеке тасымалдаушылар сатып алған. Соңғы 11 жылда алғаш рет троллейбус паркі де жаңартыла бастады. Бүгінде 100 троллейбус сатып алынған, қосымша тағы 100-ін сатып алу арқылы келесі жылы троллейбус паркі толықтай жаңарады.

Сонымен қатар қала әкімі Қасым-Жомарт Тоқаевқа жол-көлік инфрақұрылымының дамуы туралы баяндады. Қаланың 70 көшесіне 25 шақырым жаңа жол салынды және 200 шақырым жолға орташа жөндеу жұмыстары жүргізілді.

Бұдан бөлек, Ерболат Досаев президентке әлеуметтік инфрақұрылымды жаңғыртуға қатысты тапсырмаларының орындалуы туралы мәлімет берді.

"Денсаулық сақтау саласында медициналық-санитариялық алғашқы көмектің (МСАК) жаңа бірыңғай стандарты белсенді түрде енгізілуде. Алматыда "Жайлы мектеп" ұлттық жобасы аясында 37,1 мың орындық 22 мектептің құрылысы мен жобалау жұмыстары басталды. Жыл басынан бері NEET санатындағы 36,7 мың азамат жұмысқа орналастырылған. Оның 82 пайызы – тұрақты жұмыс орны. Қажетті мамандықтарды оқытудың қысқа мерзімді курстары және Jobfair365 бос жұмыс орындарының цифрлық платформасы іске қосылды. Жастар үшін 8 комьюнити-орталығы ашылды", - деді қала әкімі.

Ерболат Досаевтың айтуынша, президенттің қаланы көгалдандыру жөніндегі тапсырмасының орындалу барысы ерекше бақылауда. Жыл басынан бері 276 мың түп көшет отырғызылды. Жыл соңына дейін олардың саны 320 мыңға жеткізілмек. Алматыдағы саябақтар аумағы 397 гектарға ұлғайды.

Кездесу соңында Қасым-Жомарт Тоқаев мегаполис экономикасын одан әрі әртараптандыру, инвестиция тарту, шағын және орта бизнесті қолдау шараларын күшейту жөнінде нақты тапсырмалар берді. Сондай-ақ әкімге қоғамдық көлікті экологиялық талаптарға сәйкестендіру және Алматының көлік қатынастары жүйесін дамыту міндетін жүктеді.

Мақаланың түпнұсқасы: https://kaz.nur.kz/politics/2050899-toqaev-almaty-qalasynyn-akimi-erbolat-dosaevty-qabyldady/