Мұхамеджан Таласов қорғаныс министрінің орынбасары лауазымынан босатылды

Мемлекет басшысы Қасым-Жомарт Тоқаев қорғаныс министрінің орынбасарын қызметінен босатты, деп хабарлайды Ақорданың баспасөз қызметі Telegram-арнасында.

"Мемлекет басшысының өкімімен Мұхамеджан Қадіржанұлы Таласов Қазақстан Республикасы Қорғаныс министрінің орынбасары лауазымынан босатылды", - делінген хабарда.

Таласов Қазақстан республикасы қорғаныс министрінің орынбасары қызметіне 2020 жылғы қазанда тағайындалған болатын.

Ол 1967 жылы 26 сәуірде Қызылорда облысында дүниеге келген. Әскери атағы генерал-лейтенант. ІІ дәрежелі "Даңқ" (2018), ІІ дәрежелі "Айбын" (2012) ордендерімен марапатталған.

Еске сала кетейік, бұған дейін президент Қайрат Сүнтаевты Ішкі істер министрінің орынбасары, Ерлан Оразбайды Президент Іс басқарушысының орынбасары лауазымынан босатқан еді.