Президент Әнуар Сабыровты қызметінен босатты

Мемлекет басшысы Қасым-Жомарт Тоқаев Әнуар Сабыровты Жоғары сот кеңесінің хатшысы - аппарат басшысы қызметінен босатты. Өкім Ақорда сайтында жарияланды.

"Мемлекет басшысының өкімімен Әнуар Жоламанұлы Сабыров Қазақстан Республикасы Жоғары Сот Кеңесінің хатшысы – Аппарат басшысы лауазымынан босатылды", - делінген хабарламада.

Сабыров бұл қызметті 2015 жылдың желтоқсанын бері атқарып келді.

Әнуар Сабыров 1980 жылы 3 қазанда дүниеге келген. Бұл қызметіне дейін Қазақстан Республикасы Президенті Әкімшілігінің мемлекеттік-құқықтық бөлімінің инспекторы, сектор меңгерушісі болған.