Тоқаев Қауіпсіздік Кеңесінің Әскери қауіпсіздік және қорғаныс бөлімінің меңгерушісін тағайындады

Марат Мақсұтұлы Аймашев Қауіпсіздік Кеңесінің Әскери қауіпсіздік және қорғаныс бөлімінің меңгерушісі лауазымына тағайындалды, деп хабарлайды Ақорда Telegram-дағы ресми арнасында.

"Мемлекет басшысының өкімімен Марат Мақсұтұлы Аймашев Қазақстан Республикасы Қауіпсіздік Кеңесінің Әскери қауіпсіздік және қорғаныс бөлімінің меңгерушісі лауазымына тағайындалды", - делінген өкімде.

"ЦентрАзия" сайтының мәліметі бойынша Марат Мақсұтұлы 1974 жылы 31 тамызда Ресей Федерациясының Краснодар өлкесінің Славянск-на-Кубань қаласында дүниеге келген.

Алматы жоғары әскери училищесінде, Ұлттық қорғаныс университетінде және Беларусь Республикасының Әскери академиясының Бас штабы факультетінде оқыған.

Осы уақытқа дейін ол Қазақстан Республикасы Қарулы Күштерінде мына қызметтерді атқарды:

• бөлім бастығының орынбасары - Қазақстан Республикасы Қарулы Күштері Бас штабының Стратегиялық жоспарлау департаменті бөлім бастығы;
• Қарулы Күштер Құрлық әскерлері Бас қолбасшысы басқармасының Бас штабы бастығының орынбасары, Бас штабының Бас жедел басқармасының бастығы, Өңірлік қолбасшылық қолбасшысының бірінші орынбасары;
• "Астана" өңірлік қолбасшылығы қолбасшысы дирекциясы штабының бастығы;
• Қарулы Күштері Бас штабының стратегиялық жоспарлау басқармасының бастығы.