Жигули Дайрабаев пен Дәулет Тұрлыханов Ұлттық құрылтай құрамынан шығарылды

Жигули Дайрабаев, Дәулет Тұрлыханов және тағы бірқатар адам Ұлттық құрылтай құрамынан шығарылды. Бұл туралы Ақорданың Facebook-парақшасына сілтеме жасаған KAZ.NUR.KZ хабарлайды.

Ұлттық құрылтайдың жұмысына жұртшылықтың жаңа өкілдері тартылған:

• ҚР Бала құқықтары жөніндегі уәкіл Динара Зәкиева;
• "Қазақстан кәрістер қауымдастығы" ЗТБ төрағасы Юрий Шин;
• Қазақстанның Еңбек Ері, Семей қаласындағы № 7 мектеп-лицейінің мұғалімі Алма Шұқыжанова;
• ҚР парламент мәжілісінің депутаттары Нұрлан Әуесбаев, Никита Шаталов;
• Zhubanov university басқарма-төрағасы, ректор Лаура Қарабасова;
• пара жеңіл атлетика бойынша спортшы Айсұлу Сүлейменова;
• дүнген этносының көшбасшысы Лугмар Буларов;
• "Азаттық рухы" ақпараттық агенттігінің тележүргізушісі, журналист Кристина Гринько.

​Бұдан бөлек құрамға бірнеше аймақтан қоғамдық кеңес мүшелері кірді.

​"Ұлттық құрылтай құрамынан Б. Әлтеев, А. Толамысов, Г. Қанай, С. Огай, Ж. Дайрабаев, Қ. Майгелдінов, Б. Уәли, А. Тимощенко-Боровикова, С. Сарыбай, Д. Тұрлыханов, А. Лодочников, С. Құранбек, Э. Суларов шығарылды", - делінген хабарда.

​Қазіргі уақытта көктемде өтетін Ұлттық құрылтайдың үшінші отырысына дайындық жұмыстары жүргізіліп жатқаны айтылады.