Тоқаев Алматыға ұшып келді (фото, видео)

Мемлекет басшысы Қасым-Жомарт Тоқаев жұмыс сапарымен Алматы қаласына келді. Бұл туралы Ақорданың Telegram-дағы ресми арнасында хабарланды.

Президенттің баспасөз қызметінің мәліметінше, Қасым-Жомарт Тоқаев ертең, 25 қаңтарда бірқатар инфрақұрылымдық және әлеуметтік нысандарды аралап, әкімдіктің мегаполистегі жол-көлік жүйесін дамыту жоспарымен танысады.

Сондай-ақ сейсмикалық қауіпсіздік мәселелері жөнінде кеңес өткізу жоспарланып отыр.

Айта кетейік, бұған дейін президенттің баспасөз хатшысы Берік Уәли мемлекет басшысының жұмыс сапарымен Алматы қаласына келетінін хабарлаған еді.

Ол сапар барысында Қасым-Жомарт Тоқаевтың бірқатар нысанды аралайтынын, соның ішінде Қаңтар оқиғасынан кейін күрделі жөндеуден өткен әкімдік ғимаратына баратынын жазған болатын.