Үкімет отставкаға кетті, жаңа үкімет қашан құрылады: Тоқаевтың баспасөз хатшысы пікір білдірді

Президенттің баспасөз хатшысы Берік Уәли Қазақстанда жаңа министрлер кабинеті қашан құрылатынын айтты. Бұл туралы KAZ.NUR.KZ хабарлайды.

"Конституциямызға сәйкес, президент Қасым-Жомарт Тоқаев "Аманат" саяси партиясы ұсынған кандидатураны қарайды. Мақұлданған жағдайда мемлекет басшысы премьер-министрдің кандидатурасын оның келісіміне сәйкес парламент мәжілісіне қарауға жібереді. Мәжіліс келіссе, президент жаңа премьер-министрді тағайындайды.

Осыдан кейін Қазақстан Республикасының үкіметін жасақтау процесі басталады. Бұған дейін хабарлағанымыздай, 7 ақпанда мемлекет басшысы Қасым-Жомарт Тоқаевтың төрағалығымен үкіметтің кеңейтілген отырысы өтеді, - деді Берік Уәли.

Айта кетсек, Ақорда 7 ақпанда Тоқаев үкіметтің кеңейтілген отырысын өткізетінін хабарлады.

Түстен кейін Қазақстан үкіметі отставкаға кетті. Қасым-Жомарт Тоқаев тиісті жарлыққа қол қойды.