Ермек Маржықпаев туризм және спорт министрі лауазымын сақтап қалды

Ермек Маржықпаев туризм және спорт министрі лауазымына тағайындалды. Бұл туралы Ақорда Telegram-дағы арнасында хабарлады.

"Мемлекет басшысының Жарлығымен Ермек Боранбайұлы Маржықпаев Қазақстан Республикасының Туризм және спорт министрі лауазымына тағайындалды", - делінген хабарда.

Ермек Маржықпаев 1969 жылы туған. С.Сейфуллин атындағы Ақмола мемлекеттiк педагогикалық институтын (тарих мұғалiмi), Тұран университетiн (заңгер), Көкшетау университетiн (қаржы бакалавры) бiтiрген.

Еңбек жолын 1991 жылы Астанада № 29 орта мектепте дене шынықтыру мұғалiмi, бокстан жаттықтырушы болып бастады.

Әр жылдары мектепте мұғалім, директор болып қызмет еткен.

2008-2012 жылдары Ақмола облысы Аршалы ауданының әкiмі, 2012-2013 жылдары Ақмола облысы Зерендi ауданының әкiмi, 2013-2014 жылдары Ақмола облысы әкiмiнiң орынбасары қызметтерін атқарды.

2014-2015 жылдары Президентi әкiмшiлiгi Мемлекеттiк бақылау және аумақтық-ұйымдастыру жұмысы бөлiмiнiң мемлекеттiк инспекторы болды.

2015-2019 жылдары Ақмола облысы Көкшетау қаласының әкiмi болса, 2019 жылғы наурызда Ақмола облысының әкiмi болып тағайындалды.

Ал 2023 жылғы қыркүйекте Ермек Маржықпаев туризм және спорт министрі болып тағайындалды.

Мәтіннен қате тапсаңыз, бізге жазыңыз