Үкімет басшысының бұрынғы кеңесшісі жаңа лауазымға ие болды
Опубликовано:
Ғабидолла Оспанқұлов Сыртқы істер министрлігінің Инвестиция комитетінің төрағасы болып тағайындалды. Бұл туралы еліміздің сыртқы ведомствосы Telegram-дағы ресми арнасында хабарлайды.
Ғабидолла Оспанқұлов 1981 жылы 13 шілдеде Оңтүстік Қазақстан облысында дүниеге келген. 2002 жылы Қазақ мемлекеттік заң университетін, 2007 жылы Қазақстан-Ресей университетін және Бирмингем университетін бітірген.
Еңбек жолын 1999 жылы "Еуразия Консалтинг" ЖШС-те заңгердің көмекшісі ретінде бастаған. 2002 жылдан 2010 жылға дейін парламент сенатында және Қазақстан президентінің парламенттегі өкілдігінде түрлі лауазымдарда қызмет атқарған.
2010-2019 жылдары Екібастұз қаласы әкімінің және Батыс Қазақстан облысы әкімінің орынбасары болып жұмыс істеген, сондай-ақ Білім және ғылым министрлігінде басшылық қызметтер атқарған.
2019 жылы NurOtan партиясының хатшысы болған. 2019 жылдан 2020 жылға дейін Ақпарат және қоғамдық даму вице-министрі, 2021-2024 жылдар аралығында Президент әкімшілігінің мемлекеттік инспекторы, Мемлекеттік бақылау және аумақтық ұйымдастыру жұмысы бөлімі меңгерушісінің орынбасары, меңгерушісі, 2023 жылдан 2024 жылға дейін Қазақстан үкіметі Аппараты басшысының бірінші орынбасары қызметтерін атқарған.
Сыртқы істер министрлігінің Инвестициялар комитетінің төрағасы болып тағайындалғанға дейін Қазақстан премьер-министрінің кеңесшісі болған.
Мақаланың түпнұсқасы: https://kaz.nur.kz/politics/2062741-syrtqy-ister-ministrliginin-investiciya-komitetine-zana-toraga-tagaiyndaldy/
