Қарағанды облысы әкімінің бірінші орынбасары тағайындалды

Президент әкімшілігінің келісімі бойынша Азамат Тайжанов Қарағанды облысы әкімінің бірінші орынбасары болып тағайындалды. Бұл туралы облыстық әкімдікке сілтеме жасаған KAZ.NUR.KZ хабарлайды.

Әкімдік сайтында жарияланған мәлімет бойынша, Азамат Тайжанов Қазақ гуманитарлық-заң университетін (Халықаралық құқық бакалавры), Жапониядағы Токай университетін (экономика магистрі), Л. Н. Гумилев атындағы Еуразия ұлттық университетін бітірген. PhD докторы.

2007 жылдан бастап мемлекеттік қызметте. Экономика және бюджеттік жоспарлау, қоршаған ортаны қорғау, индустрия және жаңа технологиялар министрліктерінде әртүрлі қызметтер атқарды.

Степногорск қаласы әкімінің орынбасары, Ақмола облысы Егіндікөл және Аршалы аудандарының әкімі болып жұмыс істеді. "Қазақстандық тұрғын үй-коммуналдық шаруашылықты жаңғырту және дамыту орталығы" АҚ басқарушы директоры, басқарма төрағасының орынбасары – басқарма мүшесі болды.

2021 жылдан 2023 жылға дейін – премьер-министрдің орынбасары – Қаржы министрінің кеңесшісі.

2023 жылғы мамырдан бастап осы тағайындауға дейін Ақмола облысы әкімінің орынбасары қызметін атқарды.

Мәтіннен қате тапсаңыз, бізге жазыңыз