"Бергей Рысқалиев елге экстрадициялана ма": Бас прокуратура өкілі пікір білдірді

Бас прокурордың орынбасары Әсет Шындалиев Атырау облысының бұрынғы әкімі Бергей Рысқалиев пен Президент Әкімшілігінің бұрынғы басшысы Аслан Мусинге қатысты сұрақтарға жауап берді. Бұл туралы KAZ.NUR.KZ хабарлайды.

Желіде Атырау облысының бұрынғы әкімі Бергей Рысқалиев пен Президент Әкімшілігінің бұрынғы басшысы Аслан Мусиннің Лондондағы Burberry киім брендінің дүкені алдында түскен суреті тарап кеткен еді.

Неліктен Рысқалиев әлі де бостандықта жүргенін сұраған журналиске Әсет Шындалиев: "Оларды бізге тапсырып беру туралы Лондонмен қандай да бір келісім жоқ. Сырттай үкім шығарылды. Тиісті келісім болмағандықтан, біздің құқық қорғау органдары ештеңе істей алмайды", - деп жауап берді.

Ал мұндай келісімдер неге осы уақытқа дейін жасалмаған деген сұраққа да бас прокурор орынбасарының айтар уәжі бар.

"Ресми сауал жасаңыздар. Әрине, мұндай келісім жасауға өтініш жасалған болар, бірақ олардың қаншалықты орындалып жатқанын білмеймін", - деді ол.

Мәтіннен қате тапсаңыз, бізге жазыңыз