Ирина Кайратовна, Raim, Ерболат Беделхан: Тоқаев өнер саласының өкілдерімен кездесті
Опубликовано:
![Қасым-Жомарт Тоқаев жастармен кездесті Қасым-Жомарт Тоқаев жастармен кездесті](https://cdn.nur.kz/images/1120x630/0af26eecbf10cdf4.jpeg)
Мемлекет басшысы Қасым-Жомарт Тоқаев еліміздің креативті индустрия өкілдері – блогер, актер, әншілермен кездесті. Бұл туралы Ақорда Telegram-дағы арнасында хабарлады.
Кездесу барысында президентке музыка, әлеуметтік желі, киноиндустрия, жасанды интеллект және киберспорт салаларында табысқа жеткен отандық жобалар таныстырылды.
![Қасым-Жомарт Тоқаев жастармен кездесті Қасым-Жомарт Тоқаев жастармен кездесті](https://cdn.nur.kz/images/1120/4936825bbee63f43.jpeg)
![Қасым-Жомарт Тоқаев жастармен кездесті Қасым-Жомарт Тоқаев жастармен кездесті](https://cdn.nur.kz/images/1120/996d754f5e53e73d.jpeg)
Еске сала кетсек, президент 15 наурызда Атырауда өткен Ұлттық құрылтай отырысында креативті индустрияның маңызы зор екенін айтқан болатын.
"Мен экономиканы дамыту үшін "Креативті индустрияның" мән-маңызы зор екенін үнемі айтып жүрмін. Бұл мемлекеттік тілдің болашағы үшін де өте маңызды. Қазақ тілін дамытамыз десек, қазіргі заманғы әдіс-тәсілдерді барынша тиімді пайдаланған дұрыс. Тек ақпараттық технологияның пайдалы жағын алып, зиянды жағынан сақ болған жөн", - деген еді Тоқаев.
Мақаланың түпнұсқасы: https://kaz.nur.kz/politics/2070315-toqaev-elimizdin-kreativti-industriya-okilderimen-kezdesti/