Тоқаев Қазақстан халқы Ассамблеясының ХХХІІІ сессиясын шақыру туралы өкімге қол қойды
Жарияланған күні:
Мемлекет басшысы Қазақстан халқы Ассамблеясының ХХХІІІ сессиясын шақыру туралы өкімге қол қойды. Бұл туралы KAZ.NUR.KZ Ақорданың Telegram-дағы арнасына сілтеме жасап хабарлайды.
"Президент Қасым-Жомарт Тоқаев "Бірлік. Жасампаздық. Өрлеу" атты тақырыпта өтетін Қазақстан халқы Ассамблеясының кезекті ХХХІІІ сессиясын шақыру туралы өкімге қол қойды.
Қазақстан халқы Ассамблеясының ХХХІІІ сессиясы 2024 жылы 24-25 сәуір күндері Астана қаласындағы Президенттік орталықта өтеді", - делінген хабарламада.
Еске сала кетсек, Қазақстан халқы Ассамблеясының ХХХІІ сессиясы 2023 жылдың 27 сәуірінде өткен еді. Сессияда сөйлеген сөзінде мемлекет басшысы Ассамблеяның ролі туралы айтқан болатын.
Мақаланың түпнұсқасы: https://kaz.nur.kz/politics/2071188-toqaev-qazaqstan-xalqy-assambleyasynyn-xxxiii-sessiyasyn-saqyru-turaly-okimge-qol-qoidy/
