Top.Mail.Ru

Сайт нұсқасы

ru kz

Зектілері

Заңсыз иемделген тағы 40 млрд теңге мемлекетке қайтарылды: бұл қаражат қайда жұмсалады

Опубликовано:

Ақша
Көрнекі фото: NUR.KZ/Владимир Третьяков

Бүгін премьер-министр Олжас Бектеновтің төрағалығымен Заңсыз иемденілген активтерді мемлекетке қайтару жөніндегі комиссияның кезекті отырысы өтті. Бұл туралы үкімет Telegram-дағы арнасында хабарлады.

Үкімет мәліметінше, комиссия жалпы көлемі 40 млрд теңгеден астам сомаға заңсыз иемденілген активтерді мемлекетке ерікті түрде қайтару жөніндегі келісімдерді мақұлдаған.

"Оның 38 млрд теңгеден астамы – ақшалай қаражат, сондай-ақ Астанадағы құны 2 млрд теңге тұратын бизнес-орталық. Қайтарылған қаражат әлеуметтік мақсаттарға, оның ішінде су тасқыны салдарын жоюға бағытталады", - делінген хабарда.

Бұған қоса 7 млрд теңге сомасына инвестициялық келісімдерге қол қою мақұлданды, оның аясында "Заңсыз иемденілген активтерді мемлекетке қайтару туралы" ҚР Заңы қолданылатын тұлғалар Астана және Шымкент қалаларында екі инфрақұрылым нысанын салады. Аталған жобаларды іске асыру жұмыс орындарын құруға мүмкіндік береді және қосымша салық түсімдерін қамтамасыз етеді.

"Активтерді қайтару жұмыстары – бұл мемлекет басшысының әлеуметтік әділеттілікті қалпына келтіру жөніндегі саясатының тікелей іске асырылуы. Барлық қайтарылған қаражат Қазақстан халқының игілігіне жұмсалады", - деді Олжас Бектенов.

Мақаланың түпнұсқасы: https://kaz.nur.kz/politics/2092877-zangsyz-aktivterdi-qaitaru-zhonindegi-komissiia-memleket-kirisine-qosymsha-40-mlrd-tengge-qaitaryldy/

pixel