Top.Mail.Ru

Сайт нұсқасы

ru kz

Зектілері

Мырзағалиев "ҚазМұнайГаз" басшысы қызметінен кетуіне байланысты пікір білдірді

Опубликовано:

министр
Мағзұм Мырзағалиев. Фото: Экология министрлігі

"ҚазМұнайГаз" ҰК" АҚ басқармасының бұрынғы төрағасы Мағзұм Мырзағалиев X желіcіндегі парақшасында қызметінен кетуіне қатысты пікірін жазды. Бұл туралы KAZ.NUR.KZ хабарлайды.

"Мұнай-газ саласының барлық сатысынан өткен адам ретінде компанияны екі жыл басқару абырой әрі үлкен жауапкершілік болды. Президент Қасым-Жомарт Кемелұлы Тоқаевқа көрсеткен қолдауы мен сенімі үшін алғыс айтқым келеді", - деп жазды Мырзағалиев.

Ол компания басшысы ретінде атқарған жұмысын қорытындылап, әріптестеріне де алғысын білдірді.

"Әрбір қызметкерге еліміздің тұрақты болашағына қосқан үлесі үшін ерекше алғысымды білдіргім келеді, ҚМГ заңды түрде еліміздің ең ірі салық төлеушілерінің бірі болып саналады, сол арқылы республиканың болашағына үлес қосып отыр", - деп жазды ол.

Мырзағалиев "ҚазМұнайГаз" ҰК" АҚ акционерлерінің кезектен тыс жалпы жиналысына дейін басқарма төрағасы міндетін атқаратын Асхат Хасеновті құттықтауды жөн көріпті.

"Асхат Ғалымұлын қызметке тағайындалуымен құттықтаймын, ол – мұнай-газ саласында үлкен тәжірибесі бар маман. Тапсырмаларды іске асыруда сәттілік тілеймін", - деп түйіндепті ойын Мырзағалиев.

Айта кетейік, бүгін Мағзұм Мырзағалиев "ҚазМұнайГаз" ұлттық компаниясының басқарма төрағасы қызметінен босатылғаны мәлім болды.

Мағзұм Мырзағалиев "ҚазМұнайГазды" 2022 жылдың сәуірінен бері басқарып келеді. Бұған дейін ол мемлекет басшысының кеңесшісі болған. Бұған дейін ол Энергетика министрлігінің басшысы, ал 2019-2021 жылдары экология министрі қызметін атқарған.

Мақаланың түпнұсқасы: https://kaz.nur.kz/politics/2101019-myrzagaliev-qazmunaigaz-basshysy-qyzmetinen-ketuine-bailanysty-pikir-bildirdi/

pixel