Қазақстанда Ресейден шошқа етін әкелу мәселесі қайта қаралды

Қазақстан 22 мамырдан бастап Ресейден шошқа етін әкелуге рұқсат берді. Бұған қоса шошқа етін Қазақстан арқылы тасымалдауға рұқсат етілді. Бұл туралы Ресейдің ветеринарлық және фитосанитарлық қадағалау жөніндегі федерал қызметінің сайтына сілтеме жасаған KAZ.NUR.KZ хабарлайды.

Ведомство мәліметінше, 22 мамырдан бастап Ресейдің африкалық оба таралмаған 33 аймағынан Қазақстанға және Қазақстан арқылы шошқа әкелуге және тасымалдауға салынған шектеу алып тасталады.

Мұндай шешім Федерал қызметтің басшысы Сергей Данкверт пен Қазақстанның ауыл шаруашылығы вице-министрі Аманғали Бердалиннің келіссөзінен кейін қабылданғаны хабарланды.

Хабарламада Ресейдің ветеринарлық және фитосанитарлық қадағалау жөніндегі федералды қызметі Қазақстанның ветеринарлық қызметімен Ресейдің 26 аймағынан шошқаның африкалық обасы бойынша шектеулерді алып тастау мәселесін пысықтауға ниетті екені айтылған.

"Сонымен қатар тараптар ақпараттық жүйелерді интеграциялаудың маңыздылығын тағы бір рет талқылады. Сергей Данкверт пен Амангелді Бердалин тиісті жұмыстарды ұйымдастыру үшін техникалық мамандармен келіссөз жүргізуге келісті. Қазақстандық әріптестер консультациялық көмек көрсету үшін Ресей өкілдерін күтіп отыр", - делінген хабарламада.