Корея Республикасының президенті Қазақстанға мемлекеттік сапармен келеді
Опубликовано:
Мемлекет басшысы Қасым-Жомарт Тоқаевтың шақыруымен биылғы 11-13 маусымда Корея Республикасының президенті Юн Сок Ёль Қазақстанға мемлекеттік сапармен келеді, деп хабарлайды Ақорда.
Президенттің баспасөз қызметінің мәліметінше, екі ел басшылары келіссөз жүргізеді және қазақ-корей бизнес-форумына қатысады деп жоспарланып отыр.
Сапар аясында бірқатар екіжақты құжатқа қол қойылады.
Айта кетейік, 3 мауысда Тоқаев Ресей Мемлекеттік думасының төрағасы Вячеслав Володинді қабылдаған еді.
Сонымен қатар президент бірер күн бұрын Қасым-Жомарт Тоқаев XVI Карл Густавты Швеция корольдігінің Ұлттық күнімен құттықтаған болатын.
Мақаланың түпнұсқасы: https://kaz.nur.kz/politics/2113770-koreia-respublikasynyng-prezidenti-qazaqstanga-memlekettik-saparmen-keledi/
