Владимир Путин Астанаға келді

Ресей президенті Владимир Путин Шанхай ынтымақтастық ұйымының саммитіне қатысу үшін Астанаға келді. Бұл туралы үкімет Telegram-дағы ресми арнасында хабарлады.

Ресей Федерациясының президенті Владимир Путинді әуежайда Қазақстанның премьер-министрі Олжас Бектенов қарсы алды.

Владимир Путин Шанхай ынтымақтастық ұйымының саммитіне қатысады.

ШЫҰ-ны 2001 жылы алты мемлекет — Қазақстан, Қытай, Ресей, Қырғызстан, Тәжікстан және Өзбекстан құрған. Кейінірек бірлестікке Иран, Үндістан және Пәкістан елдері қосылды.

5 жыл ішінде Қазақстанның ШЫҰ елдерімен тауар айналымы 56,5 пайызға өсіп, 66 млрд долларды құрады. 2024 жылғы қаңтар-сәуірде ұйым ішіндегі өзара сауда көлемі 19,1 млрд долларды құрады. Осы кезеңде ҚР мен РФ арасындағы тауар айналымы 7,4 млрд долларды құрады.