Астанада ШЫҰ саммиті аяқталды: төрағалық ету құқығы Қытайға берілді

Елордада 3-4 шілде күндері өткен Шанхай Ынтымақтастық ұйымының саммиті аяқталды. Бұл туралы KAZ.NUR.KZ тілшісі хабарлайды.

Түрлі мемлекет басшыларының қатысуымен өткен іс-шара 8 сағатқа жуық уақытқа созылды.

"Құрметті мемлекеттер басшылары, қымбатты достар. Біз Шанхай ынтымақтастық ұйымы аясындағы өзара іс-қимылды одан әрі дамыту жөнінде жан-жақты пікір алмастық.

Сіздер ұсынған ауқымды бастамалар ШЫҰ кеңістігінде және одан тыс жерлерде тұрақты бейбітшілікті, көпжақты ынтымақтастықты және тұрақты прогресті қамтамасыз етуге көмектесетініне сенімдімін. Осымен Астанадағы ШЫҰ саммитін жабық деп жариялауға рұқсат етіңіздер", - деді Тоқаев.

Сондай-ақ Қазақстан басшысы ҚХР төрағасы Си Цзиньпинге табыс тіледі. Енді ШЫҰ төрағалығы Қытайға өтеді.

Мәтіннен қате тапсаңыз, бізге жазыңыз