"Ақорда" резиденциясында Тоқаев Өзбекстан президентін салтанатты түрде қарсы алды (фото)
Жарияланған күні:
"Ақорда" резиденциясында Қазақстанға мемлекеттік сапармен келген Өзбекстан президенті Шавкат Мирзиеевті салтанатты түрде қарсы алу рәсімі өтті. Бұл туралы Ақорда хабарлады.
Қасым-Жомарт Тоқаев пен Шавкат Мирзиеев бір-біріне ресми делегация мүшелерін таныстырды. Құрмет қарауылының бастығы президенттерге рапорт беріп, екі мемлекеттің әнұрандары шырқалды.
Салтанатты рәсімнен кейін мемлекеттер басшылары келіссөз залына барды.
Айта кетейік, 7 тамызда Қасым-Жомарт Тоқаев Қазақстанға мемлекеттік сапармен келген Өзбекстан президенті Шавкат Мирзиеевті елорда әуежайында қарсы алды.
Сонымен қатар бұған дейін Тоқаев Өзбекстан президентінің қызы әрі көмекшісі Саида Мирзиееваны қабылдаған болатын.
Мақаланың түпнұсқасы: https://kaz.nur.kz/politics/2146237-aqordada-ozbekstan-prezidenti-shavkat-mirzieevti-saltanatty-turde-qarsy-alu-rasimi-otti/
