Тоқаев Өзбекстан президентін елорда әуежайында қарсы алды

Қасым-Жомарт Тоқаев Қазақстанға мемлекеттік сапармен келген Өзбекстан президенті Шавкат Мирзиеевті елорда әуежайында қарсы алды, деп хабарлайды Ақорда.

️Мәртебелі қонақты салтанатпен қарсы алу үшін әуежайда Құрмет қарауылы ротасы сап түзеп тұрды.

Сапар аясында жоғары деңгейде екіжақты келіссөздер жүргізіледі және бірқатар маңызды құжатқа қол қойылады деп жоспарланып отыр.

Айта кетейік, бұған дейін Тоқаев Өзбекстан президентінің қызы әрі көмекшісі Саида Мирзиееваны қабылдаған болатын.

Бірер күн бұрын Қасым-Жомарт Тоқаев Түрікменстан президенті Сердар Бердімұхамедовпен телефон арқылы сөйлесті.

Мәтіннен қате тапсаңыз, бізге жазыңыз