Бауыржан Сыздықов төтенше жағдайлар вице-министрі қызметінен босатылды
Жарияланған күні:
Бауыржан Сыздықов төтенше жағдайлар вице-министрі лауазымынан босатылды. Бұл туралы үкіметтің баспасөз қызметі хабарлады.
"Қазақстан Республикасы Үкіметінің қаулысымен Бауыржан Мәдиұлы Сыздықов басқа қызметке ауысуына байланысты төтенше жағдайлар вице-министрі қызметінен босатылды", - делінген хабарда.
Айта кетсек, Бауыржан Сыздықов бұл қызметке 2023 жылғы 12 қыркүйекте тағайындалған болатын.
Primeminister.kz сайтындағы мәліметке сәйкес, Бауыржан Сыздықов 1973 жылы бұрынғы Шымкент облысында дүниеге келген.
Ол 2000 жылы Қазақ мемлекеттік медицина университетін, 2010 жылы Ресей ТЖМ Азаматтық қорғау академиясын, 2019 жылы "Синергия" Мәскеу қаржы-өнеркәсіп университетін, 2022 жылы тұңғыш президенттің атындағы Ұлттық қорғаныс университетін бітірген.
Еңбек жолын 2001 жылы Оңтүстік Қазақстан облыстық төтенше жағдайлар басқармасы Табиғи және техногендік төтенше жағдайлардың алдын алу, аумақты және халықты қорғау бөлімінің аға офицері болып бастаған.
2005-2010 жылдары – Оңтүстік Қазақстан облысы ТЖД Азаматтық қорғаныс басқармасы Аумақты және халықты қорғау бөлімінің аға офицері, бастығы;
2010-2012 жылдары – ҚР ТЖМ Азаматтық қорғаныс департаменті Халықты және аумақты қорғау басқармасының бастығы;
2012-2019 жылдары – Ақтөбе облысы ТЖД бастығының орынбасары, басшысы;
2019-2020 жылдары – Нұр-сұлтан қаласы ТЖД бастығы лауазымында жұмыс істеген;
2020 жылдан бастап 2023 жылға дейін ТЖМ Азаматтық қорғаныс және әскери бөлімдер комитетінің төрағасы қызметін атқарды.
Мақаланың түпнұсқасы: https://kaz.nur.kz/politics/2157846-bauyrzhan-syzdyqov-totenshe-zhagdailar-vitse-ministri-qyzmetinen-bosatyldy/
