Тоқаев ҰҚК төрағасының орынбасарларын қызметінен босатты
Жарияланған күні:
Президент Қасым-Жомарт Тоқаев Ұлттық қауіпсіздік комитеті төрағасының екі орынбасарын лауазымынан босатты. Бұл туралы Ақорда Telegram-дағы арнасында хабарлады.
Руслан Сейсембаев Қазақстан Республикасы Ұлттық қауіпсіздік комитеті төрағасының орынбасары – Терроризмге қарсы қызметінің бастығы лауазымынан босатылды.
Руслан Сейсембаев 1997-2008 жылдар аралығында ұлттық қауіпсіздік органдарында офицерлік лауазымдарда қызмет атқарды.
2008-2023 жылдары ұлттық қауіпсіздік органдарында басшы лауазымдарда жұмыс істеді.
2023 жылғы сәуірден бастап ҰҚК төрағасының орынбасары болған.
Асқар Әмірханов Қазақстан Республикасы Ұлттық қауіпсіздік комитеті төрағасының орынбасары – сыртқы барлау қызметінің директоры лауазымынан босатылды.
Асқар Әмірханов 1995-2004 жылдары ұлттық қауіпсіздік органдарында офицерлік лауазымдарда қызмет атқарды.
2004-2022 жылдары ұлттық қауіпсіздік органдарында басшылық лауазымдарда жұмыс істеді.
2022 жылғы қаңтардан бастап ҰҚК төрағасының орынбасары болды.
Ал 2023 жылғы сәуірден бастап ҰҚК Төрағасының орынбасары – Сыртқы барлау қызметінің директоры болып тағайындалды.
Мақаланың түпнұсқасы: https://kaz.nur.kz/politics/2161707-toqaeev-uqk-toragasynyng-orynbasaryn-qyzmetinen-bosatty/
