Тоқаев Францияға мемлекеттік сапармен келді (фото)

Мемлекет басшысы Қасым-Жомарт Тоқаев Франция Республикасына мемлекеттік сапармен келді. Бұл туралы Ақордаға сілтеме жасаған KAZ.NUR.KZ хабарлайды.

Ақорданың Telegram-дағы ресми арнасында мәлімет бойынша, Париж әуежайында Қазақстан президентін Францияның сыртқы істер министрі Жан-Ноэль Барро қарсы алды.

"Ертең Елисей сарайында мемлекет басшысы Қасым-Жомарт Тоқаев пен Франция президенті Эмманюэль Макрон келіссөз жүргізеді", - делінген ресми ақпаратта.

Айта кетейік, мемлекет басшысы Қасым-Жомарт Тоқаев 1 қарашада Франция елшісі Сильван Гиогені қабылдап, кездесуде президент алдағы уақытта Франция Республикасына жасайтын мемлекеттік сапарының жай-жапсарын баяндаған еді.

Сондай-ақ бұған дейін Францияның Le Figaro газетінде Қасым-Жомарт Тоқаевтың мақаласы жарияланғанын жазған едік. Онда президент Астана мен Париждің бірлескен жобалары туралы сөз қозғап, Францияға мемлекеттік сапарының мақсаттарын айтқан.

Мәтіннен қате тапсаңыз, бізге жазыңыз