Нұрлан Әбдіров Орталық сайлау комиссиясының төрағасы болып тағайындалды

Мемлекет басшысының жарлығымен Нұрлан Әбдіров Орталық сайлау комиссиясының төрағасы лауазымына тағайындалды, деп хабарлайды Ақорда.

"Нұрлан Мәжитұлы Әбдіров Қазақстан Республикасы Орталық сайлау комиссиясының Төрағасы лауазымына тағайындалсын", - делінген президент Қасым-Жомарт Тоқаевтың жарлығында.

Әбдіров Нұрлан Мәжитұлы 1961 жылы 12 қаңтарда Қарағанды облысы Шет ауданының Ақсу-Аюлы ауылында туған. КСРО ІІМ Қарағанды жоғары мектебін бітірген. Заң ғылымдарының докторы, профессор.

1982-1984 жылдары - КСРО ІІМ Қарағанды жоғары мектебінің оқытушысы болып жұмыс істеген.

1984-1987 жылдары - КСРО ІІМ Бүкілодақтық ғылыми-зерттеу институтының адъюнкті болды.

1987-1997 жылдары - ҚР ІІМ Қарағанды жоғары мектебінің оқытушысы, аға оқытушысы, доцент, қылмыстық құқық және криминология кафедрасы бастығының орынбасары лауазымын атқарды.

1997-2000 жылдары - Есірткіні бақылау жөніндегі Мемлекеттік комиссиясының хатшысы болып қызмет етті.

2000-2001 жылдары - Нашақорлыққа және есірткі бизнесіне қарсы күрес агенттігі төрағасының орынбасары болған.

2001-2002 жылдары - Әділет министрлігі Нашақорлыққа және есірткі бизнесіне қарсы күрес комитеті төрағасының орынбасары болды.

2002-2005 жылдары – Қауіпсіздік Кеңесі Хатшылығының сектор меңгерушісі, мемлекеттік инспектор, Қоғамдық және экологиялық қауіпсіздік бөлімінің меңгерушісі, Қауіпсіздік кеңесі хатшылығы меңгерушісінің орынбасары лауазымын атқарды.

2005-2009 жылдары - Қауіпсіздік кеңесі хатшысының орынбасары - Қауіпсіздік кеңесі Хатшылығының меңгерушісі болды.

2009-2011 жылдары - төртінші сайланған Қазақстан Республикасы Парламенті Мәжілісінің депутаты қызметін атқарды.

2012 жылғы 20 қаңтардан бастап - бесінші сайланған Қазақстан Республикасы Парламенті Мәжілісінің депутаты болды.

2016 жылғы 25 наурыздан бастап - алтыншы сайланған Қазақстан Республикасы Парламенті Мәжілісінің депутаты, Заңнама жөне сот-құқықтық реформа комитетінің төрағасы болды.

2020 жылғы 28 тамыздан бастап парламент сенатының депутаты, сол жылдың 2 қыркүйегінен бастап сенат төрағасының орынбасары лауазымын атқарды.

"Құрмет" және "Парасат" орденімен, "Ұлттық қауіпсіздікті қамтамасыз етудегі үлесі үшін" медалімен наградталған.

Үйленген, екі баласы бар.

Мәтіннен қате тапсаңыз, бізге жазыңыз