Рақымжан Ерназар Президент әкімшілігіндегі бөлімдердің бірін басқарады

Жарияланған күні: 2 сәуір 2025, 09:06

Президент әкімшілігінің Әлеуметтік-экономикалық саясат бөліміне жаңа меңгеруші тағайындалды. Бұл туралы Ақордаға сілтеме жасаған KAZ.NUR.KZ хабарлайды.

"Мемлекет басшысының өкімімен Рақымжан Серікбайұлы Ерназар Қазақстан Республикасы Президенті Әкімшілігінің Әлеуметтік-экономикалық саясат бөлімінің меңгерушісі лауазымына тағайындалды", - делінген хабарламада.

Бұл қызметті атқарған Айдын Құлсейітов мемлекет басшысының өкімімен лауазымынан босатылды.

Естеріңізге сала кетейік, 2023 жылғы тамызда Қасым-Жомарт Тоқаев Рақымжан Ерназарды Президент әкімшілігінің Стратегиялық жоспарлау бөлімінің меңгерушісі лауазымына тағайындаған еді.

Қазақстан Республикасы Президентінің әкімшілігі – Қазақстан Республикасының президенті құратын, оған тікелей бағынатын және есеп беретін мемлекеттік орган.

Әкімшіліктің миссиясы президенттің қызметін ақпараттық-талдамалық, құқықтық, хаттамалық-ұйымдастырушылық, құжаттамалық және өзгедей қамтамасыз ету болып табылады.

Мақаланың түпнұсқасы: https://kaz.nur.kz/politics/appointments/2232330-prezident-akimshiligining-aleumettik-ekonomikalyq-saiasat-bolimine-zhanga-menggerushi-tagaiyndaldy/