Арман Әбдірәсілов Қазақстанның Қауіпсіздік кеңесінде лауазымды қызметке тағайындалды
Опубликовано:
Қасым-Жомарт Тоқаев Арман Әбдірәсіловті Қауіпсіздік Кеңесінің ахуалдық орталығының меңгерушісі лауазымына тағайындады, деп хабарлайды Ақорда.
Ақорданың Telegram желісіндегі парақшасында мемлекет басшысының өкімімен Арман Асқарұлы Әбдірәсілов Қазақстан Республикасы Қауіпсіздік Кеңесінің ахуалдық орталығының меңгерушісі лауазымына тағайындалғаны хабарланды.
Айта кетейік, Қазақстан премьер-министрінің ресми сайтындағы мәліметке сүйенсек, Арман Әбдірәсілов 1980 жылы Ақмола облысында дүниеге келген. 2001 жылы Әл-Фараби атындағы Қазақ ұлттық университетінің механика-математика факультетін тәмамдаған.
Еңбек жолын 2001 жылы ҚазҰУ Математика және механика институты ҒЗИ инженері болып бастады.
2020 жылдың мамыр айынан 2012 жылдың маусым айы аралығында Ұлттық ғылыми-техникалық орталығының инженері болып еңбек етті.
2013-2020 жылдары — "Кибер шабуылдарды талдау және тергеу орталығы" ЗТБ компаниялар тобының директоры болды.
2020 жылы тамызда "Зерде" ұлттық инфокоммуникация холдингі" АҚ басқарма төрағасы қызметіне тағайындалды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/appointments/2273355-arman-abdirasilov-qazaqstannyng-qauipsizdik-kengesinde-lauazymdy-qyzmetke-tagaiyndaldy/