Өскемендегі Шнайдер көпіріндегі апат: шенеунік лауазымды қызметінен кетті

ШҚО-ның жолаушы көлігі және автомобиль жолдары басқармасы басшысының міндетін атқарушы болып Нариман Алмасұлы тағайындалды. Бұған дейін басқарманы басқарған Данияр Уахитов қызметінен босатылды, деп хабарлайды өңір әкімдігіне сілтеме жасаған KAZ.NUR.KZ.

"Бұл шешім облыс әкімі Нұрымбет Сақтағановтың тапсырмасына сәйкес мемлекеттік қызметшілер арасындағы сыбайлас жемқорлық тәуекелдерін жою бағытында жүргізіліп жатқан жұмыстар аясында қабылданды", - делінген хабарламада.

Ведомствоның мәліметінше, Өскемендегі Шнайдер көпіріндегі апаттан кейін облыс әкімінің протоколдық тапсырмасымен құқық қорғау органдарының қатысуымен тексеріс жүргізілген.

"Соның қорытындысы бойынша басқарманың бұрынғы басшысы Данияр Уахитовтың заңға қайшы әрекеттері анықталды.

Іс бойынша соңғы құқықтық бағаны уәкілетті органдар береді", - делінген хабарламада.

Мәтіннен қате тапсаңыз, бізге жазыңыз