Тоқаев АҚШ-пен келіссөздер бойынша өкілін тағайындады
Опубликовано:
Ержан Қазыханға АҚШ-пен келіссөздерде Қазақстан президенті өкілінің міндеттері жүктелді. Бұл туралы Ақордаға сілтеме жасаған KAZ.NUR.KZ хабарлайды.
"Мемлекет басшысының өкімімен Женева қаласындағы (Швейцария) Біріккен Ұлттар Ұйымының бөлімшесі мен басқа да халықаралық ұйымдар жанындағы Қазақстан Республикасының тұрақты өкілі Ержан Хозеұлы Қазыханға Америка Құрама Штаттарымен ынтымақтастықтың өзекті мәселелері бойынша келіссөздер процесіндегі Қазақстан Республикасы президенті өкілінің міндеттері жүктелді", - делінген хабарламада.
Айта кетейік, Ержан Қазыхан БҰҰ-ның бөлімшесі мен басқа да халықаралық ұйымдар жанындағы Қазақстанның тұрақты өкілі лауазымына былтыр 26 қыркүйекте тағайындалған еді.
Оған дейін Ержан Хозеұлы Қазақстан президентінің халықаралық мәселелер жөніндегі көмекшісі болды.
Мәтіннен қате тапсаңыз, бізге жазыңыз