Аға журналист

Айбек Смадияров президенттің баспасөз хатшысы болып тағайындалды

Опубликовано:Бүгін, 29 қаңтар 2026, 09:05

Айбек Смадияров Қазақстан президентінің кеңесшісі – баспасөз хатшысы болып тағайындалды, деп хабарлайды Ақорда.

"Мемлекет басшысының өкімімен Айбек Серікбайұлы Смадияров Қазақстан Республикасы президентінің кеңесшісі – президенттің баспасөз хатшысы болып тағайындалды, ол бұрынғы атқарған лауазымынан босатылды", - делінген жазбада.

Айта кетейік, бұған дейін мемлекет басшысының кеңесшісі – баспасөз хатшысы болған Руслан Желдібай лауазымынан босатылды.

Естеріңізге сала кетейік, Сыртқы істер министрлігінің бұрынғы ресми өкілі Айбек Смадияров былтыр желтоқсанда Президент Әкімшілігінің Ішкі саясат бөлімінің меңгерушісі лауазымына тағайындалған еді.

СІМ-нің ресми сайтындағы мәліметке сүйенсек, Айбек Смадияров 1983 жылы 7 шілдеде Оңтүстік Қазақстан облысында дүниеге келген.

Абылай хан атындағы Қазақ халықаралық қатынастар және әлем тілдері университетін бітірген.

Мансап жолын 2005 жылы "Қазақстандағы Қытай банкі" АҚ-ның Әкімшілік департаментінің маманы болып бастаған.

2006-2008 жылдары – ҚР СІМ Консулдық қызмет департаментінің маманы.

2008-2010 жылдары – ҚР СІМ Еуропа департаментінің атташесі, үшінші хатшысы.

2010-2012 жылдары – Қазақстанның Мажарстандағы елшілігінде үшінші хатшы.

2012-2013 жылдары – ҚР президентінің баспасөз қызметінің сарапшысы.

2013-2014 жылдары – ҚР СІМ Сыртқы саяси сараптау мен болжамдау комитетінің бірінші хатшысы.

2014-2018 жылдары – Вьетнамдағы ҚР елшілігінде екінші, бірінші хатшы.

2018-2019 жылдары – ҚР СІМ баспасөз қызметінің басшысы.

2019-2023 жылдары – ҚР СІМ Халықаралық ақпарат комитеті төрағасының орынбасары – баспасөз хатшысы.

2023-2025 жылдары – ҚР СІМ Коммуникациялар департаментінің директоры – ресми өкілі.

2025 жылғы наурыздан бастап желтоқсанға дейін ҚР СІМ Халықаралық ақпарат комитетінің төрағасы – ресми өкілі қызметін атқарды.

Дипломатиялық дәрежесі: IІ сыныпты төтенше және өкілетті уәкіл. Ағылшын, түрік тілдерін меңгерген.

Мәтіннен қате тапсаңыз, бізге жазыңыз