Райымбек Баталов Тоқаевтың штаттан тыс кеңесшісі болды

Райымбек Баталов Қазақстан президентінің кәсіпкерлікті дамыту мәселелері бойынша штаттан тыс кеңесшісі болып тағайындалды. Бұл туралы мемлекет басшысының баспасөз қызметіне сілтеме жасаған KAZ.NUR.KZ хабарлайды.

Өмірбаяндық мәліметтерге сүйенсек, Райымбек Баталов 1970 жылы Алматыда дүниеге келген. 1998 жылы Қазақ сәулет-құрылыс академиясын "инженер-құрылысшы" мамандығы бойынша бітірген.

Еңбек жолын "Риддер Инвест" металлургиялық кешенінің басқарушы директоры қызметінен бастаған. Кейін Жаңа Жамбыл фосфор зауытын, Тобыл элеваторын, Меркі қант зауытын, Шымкент ЖЭО-3 нысанын басқарған. Сондай-ақ "Раимбек" сауда фирмасын құрған.

2022 жылғы ақпаннан 2026 жылғы қаңтарға дейін Қазақстан ұлттық кәсіпкерлер палатасы президиумының мүшесі, "Атамекен" ҚР ҰКП президиумының төрағасы міндетін атқарушы, "Атамекен" Ұлттық кәсіпкерлер палатасы президиумының төрағасы болды.

Мәтіннен қате тапсаңыз, бізге жазыңыз