Самат Аисов ІІМ Тергеу департаментінің бастығы болды
Опубликовано:
Ішкі істер министрінің бұйрығымен полиция полковнигі Самат Аисов ІІМ Тергеу департаментінің бастығы болып тағайындалды. Бұл туралы ведомствоның баспасөз қызметіне сілтеме жасаған KAZ.NUR.KZ хабарлайды.
ІІМ-нің Telegram-дағы арнасында жарияланған мәлімет бойынша, Самат Аисов бұған дейін Тергеу департаменті басшысының орынбасары қызметін атқарған.
Ішкі істер органдарында тәжірибесі мол әрі басқару бойынша еңбек өтілі бар.
Жаңа бастықты таныстыру барысында министр Ержан Сәденов Тергеу департаментінің алдында тұрған басым міндеттерді атап өткен.
Самат Аисовқа сотқа дейінгі тергеп-тексеру сапасын арттыру, жазаның бұлтартпастығы қағидатын қамтамасыз ету, заң мен азаматтардың құқықтарын сақтау, сондай-ақ тергеу жұмысының нәтижелері үшін басшылардың жеке жауапкершілігін қадағалау міндеті жүктелген.
Естеріңізге сала кетейік, бұған дейін Тергеу департаментін Мұхтар Қожаев басқарды. Ол жақында Шымкент полиция департаментінің бастығы болып тағайындалды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/appointments/2341212-iim-tergeu-departamentining-bastygy-tagaiyndaldy/