Снежанна Имашева Отбасы мәселелері жөніндегі уәкіл болып тағайындалды

Депутат Снежанна Валерьевна Имашева жаңа қызметке тағайындалды, деп хабарлайды Ақордаға сілтеме жасаған KAZ.NUR.KZ.

"Мемлекет басшысының өкімімен Снежанна Валерьевна Имашева Қазақстан Республикасындағы Отбасы мәселелері жөніндегі уәкіл – Қазақстан Республикасы президентінің жанындағы Әйелдер істері және отбасылық-демографиялық саясат жөніндегі ұлттық комиссиясы төрағасының орынбасары болып тағайындалды", - делінген хабарламада.

Мәжілістің ресми сайтындағы мәлімет бойынша, Снежанна Имашева 2001 жылы Батыс Қазақстан мемлекеттік университетін бітірген.

Еңбек жолын 2001 жылы Батыс Қазақстан облысында "БанкТуранАлем" ААҚ Ақсай филиалының бөлшек кредит беру маманы ретінде бастаған.

Алғаш рет 2016 жылы (VI сайланған) парламент мәжілісінің депутаты – Заңнама және сот-құқықтық реформа комитетінің мүшесі болды.

Сондай-ақ ол VII-VIII шақырылымдардың депутаты болып, Заңнама және сот-құқықтық реформа комитетінде жұмысын жалғастырды.

Мәтіннен қате тапсаңыз, бізге жазыңыз