Назарбаев Қазақстандағы ең үлкен мешіттің іргетасын қалады (фото)

Қазақстан президенті Нұрсұлтан Назарбаев Астана қаласының бас мешітінің іргетасын қалады. Бұл Қазақстандағы ең үлкен мешіт болмақ. Сыйымдылығы жағынан Хазрет Сұлтаннан асып түседі деп хабарлайды KAZ.NUR.KZ.

Жаңа мешіт ЭКСПО-2017 ауданында бой көтермек.

Ол сол жақ жағалауда, ЭКСПО-ның бас сферасымен бір тізбекте тұрады.

Мешіт Мәңгілік ел және Қабанбай батыр даңғылдарының ортасында, "Mega Silkway" сауда ойын-сауық кешеніне жақын жерде орналасады.

Болашақ ғибадатхана - "Астананың Бас мешіті" деп аталатын болады. Бұл Қазақстандағы ең үлкен мешіт болмақ. Сыйымдылығы 30 мың адамға арналған, бұл бүгінде ең үлкен саналатын Хазрет Сұлтан мешітінен үш есе үлкен.

"Біз бұл аймақтағы ең үлкен мешітті тұрғызамыз. Мұсылман әлеміне арналған діни ғимарат. Қазақстан астанасын таныстыратын нысан болмақ.

Біз бұрын және қазір салынған мешіттерді зерттеп, үздік жобаларды таңдап алдық.

Бұл мешіттің жобасын өзім көрдім. Оның құрылысын басынан аяғына дейін өзім қадағалаймын", - деді Нұрсұлтан Назарбаев.

Құрылыспен "SEMBOL CONSTRUCTION" түрік компаниясы айналысады. Ол Астанадағы көптеген танымал нысандардың тұрғызған.

Хазрет Сұлтан мешіті, Бейбітшілік пен келісім сарайы, президент кітапханасы, Тәуелсіздік сарайы, Астананың жаңа теміржол вокзалы, Назарбаев университеті, Хан-Шатыр, ЭКСПО алаңы, оның ішінде алып сфера олардың жұмыстарының нәтижелері.

Мешіт демеушілердің қаражатына тұрғызылмақ.

Мәтіннен қате тапсаңыз, бізге жазыңыз