RU
Саясат
Сақтаулылар
Мұнда әзірше бос
Жарияланым парақшасында «
» батырмасын қолданып, оны сақтаулылар тізіміне қосыңыз.

Зектілері

"Алматылық – қайталанбас бренд": Тоқаев Алматы тұрғындары туралы айтып берді

Жарияланған күні:

Қазақстанның президенті Қасым-Жомарт Тоқаев Қазақстан халқының бірлігі күніне арналған іс-шарада қазақстандықтарды мерекемен құттықтады деп хабарлайды Ақорда.

Фото: Ақорда
Фото: Ақорда: Facebook

Мемлекет басшысы жиынға қатысушылар алдында сөйлеген сөзінде бүгінгі мерекенің еліміздегі барлық халық пен ұлт өкілдерін біріктіретінін айтты.

"Елбасы Қазақстан халқы Ассамблеясында сөйлеген сөзінде Қазақстандағы ұлтаралық келісімнің маңызы зор екенін атап өтті. Нұрсұлтан Назарбаевтың қажырлы еңбегінің арқасында Қазақстан бүгінде көптеген ұлт өкілдерінің киелі шаңырағына айналды, – деді Қасым-Жомарт Тоқаев.

Қазақстан Президенті көп этносты, көп конфессиялы еліміздің келешегі туралы түрлі теріс болжамдар айтылғанына қарамастан, Елбасының ортақ Отанымызда бейбітшілік пен келісімді сақтай білгенін айтты.

Мемлекет басшысы Алматының Қазақстан тарихындағы маңызды рөліне назар аударып, осы қалада мемлекетіміздің тәуелсіздігі жарияланғанына тоқталды.

"Алматы әрқашан өзінің әсемдігімен ерекшеленеді. Алматылық – қайталанбас бренд әрі шынайы интернационализмнің жарқын үлгісі. Бүгінде қала еліміздің іскерлік, қаржы, мәдени, оқу-ағарту және туристік орталығы. Сондай-ақ, Алматы – жаңа жұмыс орындарын ашып, қала бюджетінің кірісін арттыруға үлес қосып отырған шағын және орта бизнестің тартылыс орталығы", – деді Қазақстан Президенті.

Қасым-Жомарт Тоқаев халықтың өмір сүру сапасы мен әл-ауқатын арттыру мәселесіне және Алматы қаласының әлеуметтік-экономикалық даму перспективаларына тоқталды.

"Біз экология мен ауа сапасы, инфрақұрылым және қоғамдық қауіпсіздік мәселелерін бірлесе шешуіміз қажет. Қаламыз тұрғындар мен шетелдік қонақтар үшін жайлығы тұрғысынан үлгі болуы керек. Автокөліктер мен энергиямен қамтамасыз ету салаларында экологиялық таза технологияларға өтетін уақыт жетті", – деді мемлекет басшысы. 

Қазақстан Президенті әртүрлі этникалық топ өкілдеріңнің өзара сыйластығының, ауызбіршілігі мен жасампаз еңбегінің арқасында Тәуелсіздігімізді нығайтып, экономикада табыстарға жеткенімізді атап өтті.

"Бүгінде әрбір қазақстандық қай этникалық топқа жататына қарамастан өздерін біртұтас үлкен отбасының мүшесі сезінеді. Бірлік пен келісім – халқымыздың қиын-қыстау жылдарда да сақтай білген құндылықтары. "Әралуандықтан бірлікке" – біздің саясатымыздың мәні. Бәріміз бірге өзіміздің еңбексүйгіштігімізбен, табандылығымызбен ғана қуатты әрі дамыған мемлекет құра аламыз", – деді Қасым-Жомарт Тоқаев.

Мемлекет басшысы жиынға қатысушылардың бәрін Қазақстан халқының бірлігі күнімен құттықтап, бақыт, амандық және жаңа табыстар тіледі.

Салтанатты шара Алматы қаласының этномәдени орталықтарының белді ансамбльдері мен қазақстандық эстрада әртістері қатысқан мерекелік концертпен аяқталды.

Мақаланың түпнұсқасы: https://kaz.nur.kz/politics/kazakhstan/1791942-almatylyk---kajtalanbas-brend-tokaev-almaty-trgyndary-turaly-ajtyp-berdi/

Жарияланымға реакцияңыз?

Соңғы пікірлер

Барлық пікір саны: 5

Талқылауға қатысу немесе пікірлерге реакция қалдыру үшін профиліңізге кіріңіз.

Астанинец

Жалпы, Қазақстан қалаларының ішіндегі ең әдімі, көрікті, халықаралық байланысы өте мықты ол - Алматы қалады. Осы қала жайында көпшілік азаматтар өздерінің жас кезіндегілерін айтып жатады.

Comment reaction

Астанинец

Президентіміз Алматы қаласын бекерден бекер мақтап жатқанжоқ. Бұл қала расында да көпұлттардың достық қаласына айналғандай.

Comment reaction

Астанинец

Қазақстанның барлық қалаларына ұшып қонып жүрген Президентіміздің белсенділігі керемет. Барлық қала әкімдеріне жақсы үлгі болады деп ойлаймын.

Астанинец

Қазақстан халқының бірлігі күнімен Президент құттықтап жатыр. Мұндай күнде Қазақстан үшін өте маңызды және де Қазақстанның көпұлтты мемлекет екендігінің, қалай жақсы өмір сүруіміздің дәлелі.

Астанинец

Мемлекет Басшысы барлығын да дұрыс айтады, экологиялық табиғи, таза технологияға өтуіміз керек деп есептеймін.

jitsu gif